సినీనటి శ్రీరెడ్డిపై దాడి జరిగింది. సినీ నిర్మాత సుబ్రమణి,అతని అసిస్టెంట్ గోపి తనపై దాడి చేశారని,చంపుతామని బెదిరించారని పోలీసులకు ఫిర్యాదు చేశారు. చెన్నైలోని కోయంబేడు పోలీసులకు ఫిర్యాదు చేసిన శ్రీరెడ్డి గురువారం అర్థరాత్రి సుబ్రమణి,గోపి తనపై దాడి చేశారని పేర్కొంది. ఈ మేరకు కేసు నమోదు చేసిన పోలీసులు దర్యాప్తు చేపట్టారు. పోలీసులు తెలిపిన వివరాల ప్రకారం.. చెన్నై వలసరవాక్కంలో నటి శ్రీరెడ్డి నివశిస్తున్నారు. శుక్రవారం తెల్లవారుజామున ఇద్దరు వ్యక్తులు ఆమె ఇంట్లోకి చొరబడి శ్రీరెడ్డి, ఆమె మేనేజర్‌ మోహన్‌పై దాడి చేశారు. దీనిపై ఆమె వెంటనే కంట్రోల్‌ రూంకు ఫోన్‌ చేయగా పోలీసులు వెంటనే అక్కడికి చేరుకుని మద్యం మత్తులో గొడవ పడుతున్న ఫైనాన్షియర్, సినీ నిర్మాత సుబ్రమణి (40), అతని అక్క కుమారుడు గోపి (23)లను అరెస్ట్‌ చేశారు. దాడిలో స్వల్పంగా గాయపడిన శ్రీరెడ్డి ఆస్పత్రిలో చికిత్స పొంది డిశ్చార్జయ్యారు.
